පොඩියට මොකුත් ලියමුද

අපේ කස්ටිය මේ පැත්තට ඇවිල්ලා මේකේ තියෙන දේවල් බලලා කමෙන්ට් නොකර ගියාට අපේ කිසිම තරහක් නම් නෑ මොකද අපේ තියෙන ගනං මිනුං අනුව දවසින් දවස සටහන පැත්තට එන කස්ටිය වැඩිවෙනවා කියල අපි දන්නවා.
ඒත් අපි කැමති මේ අපි ලියන්නේ මොනවද ඒවාගේ හොද නරක කොහොමද කියල දැන ගන්න ඒ හින්ද උඹලට පුලුවන්නම්, වෙලාවක් තියෙනවා නම් මොනා හරි ලියල පලයල්ලා. උඹලා මේකේ “චා“ කියල ලියල ගියත් ඒකත් අපිට හයියක්.

පිස්සන් කො‍ටුවේන් ඇහෙන කතා 3

ඉතින් යලුවනේ කොහොමද? ඔන්න අයෙත් කාලෙකින් "සටහන" පැත්තේ අවා පිස්සන් කො‍ටුවේ තව කතාවක් අරගෙන.

මුල් කතා කියපු නැති අය මෙතනින් ගිහින් එවත් කියවලා එන්න පිස්සන් කො‍ටුවේන් ඇහෙන කතා 1,

පිස්සන් කො‍ටුවේන් ඇහෙන කතා 2
ඔන්න දවසක් පිස්සන් කො‍ටුවෙන් බුවාලා දෙන්නෙක් කොහොමින් කොහොමින් හරි පැනගත්තලු... මුන් දෙන්නා පැනලා තියෙන්නේ මහ රෑ මැදලු..ඔහොම පැනලා මුන් දෙන්නා ටික දුරක් යනකොට මෝටර් සයිකල් එකක් නවත්තලා තිබුනා ලු.. මුන් කොහොම හරි මේකත් ස්ටාට් කරගෙන යනවලු..මුන් පිස්සන් කො‍ටුවේ හිටියට ඔය වාහන එහෙම පදින්නත් දන්නවලු... කොහොම කොහොම හරි මේකත් පැදගෙන ටික දුරක් යනකොට ඈතින් එලි දෙකක් පෙන්න ගත්තලු... පිටිපස්සේ හිටපු පොර බයිසිකලය පදින එකාට කිවාලු..."මචන් ඔන්න බයිසිකල් දෙකක් එනවා.වැඩ පෙන්නනත් එක්ක යමන් ඔය දෙක මැදින් දාලා." පදින එකත් "ඔවත් වැඩඩ ඔන්න බලපන්" කියලා අර එලි දෙක මැදින් බයිසිකල් එක දැම්මලු.දාපූ ගමන් දඩාස් ... සද්දයක් එක්ක මුන් දෙන්නා පැත්තකට විසි උනාලු..මුන් දෙන්නගේ වෙලාවට වැඩි තුවාල නැතිලු.හැබැයි පහුවෙනිදා උදේ බලනකොටලු දන්නේ අර එලි දෙක පත ලොරියක HEAD LIGHT කියලා.. ඔන්න ඔහොමයි සිද්ධ උනා කියන්නේ....

මනමාලි

මෙන්න ඉතින් අදත් ආවා කියවලා යන්න.

හරි හරි වැඩි කතා එපා නේ කියවලා යන්න තිබ්බොත් ඇතිනේ ඒ හින්ද පටා.....න් ගන්නයි යන්නේ.

මෙන්න මෙහෙම සිද්දියක් වෙලා තියෙනවාලු 198_/199_ කාලේ.

ඔන්න ඒ කාලේ අපේ කස්ටියක් ගිහින් තියෙනවා කොල්ලෙක්ට (ඒ කාලේ ඉතින් කොල්ලොනේ දැන් ටිකක් වයසක උදවිය උනාට) මනමාලියක් බලන්න. කවුද දන්නවද ගිහින් තියෙන්නේ, මේ කොල්ලගේ අම්මයි, තාත්තයි, අක්කයි, අයියයි, මලයයි තමයි ගිහින් තියෙන්නේ.මේ මනුස්සයගේ අයියයි අක්කයි දෙන්න මේ වෙන කොටත් පවුල් පන්සල් වෙලයි ඉදල තියෙන්නේ.

දැන් ඉතින් මේකගේ බරෙනුත් නිදහස් වෙන්න කියල හිතාගෙන මේ කස්ටියම ගිහිල්ලා හොදට හරි බැරි ගැහිල වාඩිවෙලා හෙම ටිකක් වෙලා ඉද්දි වෙන්ට නෑයෝ ටික කතා කරයි කියමුකෝ තේ උගුරක් බොන්ටයි කියාලා, අනේ ඉතින් මේ අපේ කස්ටියත් ගිහින් තේ කිව්වට උදේට නෙවෙයි දවස් 2,3කින් කාල හිටපු නැති නිසා ( දැනටත් එහෙමනේ අපිත් මගුලක්/පාටියක් වගේ දෙයක් ලගයි නම් දවස් 2,3 ඉදන් බඩ හිස් කරන්න පටන් ගන්නවනේ නේද?) හොදට ඇඹරැවයි කියලයි කියන්නේ.

අනේ ඉතින් ඊටත් පස්සේ කස්ටියම ඇවිල්ල වාඩි උනයි කියමුකෝ ඔය කියන මනමාලි බලන්න. හරිම තමයි දැන් ඉතින් මනමාලිත් පද්ද පද්ද කැට් වොක් එකද මොකද්ද කියන එක දාගෙන බුලත් හෙප්පුවත් දෑතින් දරන් එනවයි කියපි ඉස්සඑහට. මේන්න ඉතින් අපේ ලොක්කත් අතයි කටයි දෙකත් උල් කරගෙන ඉන්න්‍වයි කියමුකෝ මේකි ඇවිත් බුලත් හෙප්පුව දීල “අයියේ මාව එක්කන් පලකෝ“ කියනකම්.

බඩුම තමයි කෙලපි තාප්පෙට කිව්වලු මෙන්න මේකි ඇවිත් දුන්න නේද බුලත් හෙප්පුව එතන හිටපු එල කිරි වගෙ  හැන්සම් කොල්ලට කාටද? (ඇයි ඉතින් මේකි දන්නවැයි මනමාලයා කවුද කියල) අර මනමාලයාගේ අයියට. ඇයි යකෝ මේකි දැක්කෙ නැද්ද අයියගේ මගුල් මුද්ද,

හරි දැන් ඉතින් මනමාලිත් එල කිරි වගේ ලස්සන කෑල්ලක් හින්ද මගුලත් තීන්දුයි කියමුකෝ.

වැරදි හැදිල්ල කෙසේ වෙතත් අපේ කස්ටිය අනේ දෙයියනේ කියල හැරපි අනිත් පැත්තට. ගෙදර එන ගමන් මලය කියනවයි කියපි “අනේ අයියා අයේ උඹ නම් එන්න එපා මට මගුල් කතා කරන්න, තෝ නෑනා පොඩ්ඩත් තියන් ගෙදෙට්ට වෙලා හිටපිය“. අයියෝ සැලරි මගුල් කිව්වලු.

මේ කතාවත් කිව්වේ මගෙම පියරජතුමා තමයි. වෙලාවට මටනම් අයියල නෑ.

තව පොඩ්ඩෙන් දෙයියනේ කියල මටත් අම්මල දෙන්නයි. බඩුම තමයි නේ.........................

කිරිකට් කෙරැවාව.

“ඔන්න ඉතින් අදත් ආවා වල්පල් ටිකක් දොඩවලා යන්න“ කස්ටිය එහෙමත් හිතනවා ඇති නේද? අනේ නෑ, ඉතින් පොඩි ෆන් දාල යන්න තමයි ඉතින් අපි මේ පැත්තට එන්නේ.

අදත් පොඩි දෙයක් කියන්න ඔනේ කියල හිතුන මොකද්ද දන්නවද නෑනේ එහෙනම් කියන්නම්.

උඹලගේ ගම් වල ඉන්නව නේද කොල්ලො සෙට්. ඉතින් උඹලත් ඒ වගේ සෙට් එකක බුවෙක් වෙන්න ඇතිනේ? ඉතින් උඹලගේ සෙට් එකට ගමේ ඉන්න චමින්දල ටික මොකද්ද කියන්නේ, අපේ ගමෙත් ඉන්නවා ඔය වගේ එලකිරි, ඕනි කෙහෙල් මලකට එකට ඉන්න සෙට් එකක්  උන්ට නම් කියන්නේ “වැහි දෙයියල ටික“ කියල, දන්නවද මොකද කියල. උත්තරේ “නෑ“

ඉතින් ඔය ගම් ඉන්න මේ සෙට් වලට එක එක කාල වලට එක එක අමුතු අමුතු ආතල් යනවනේ ඉතින් අපේ උන් ටිකටත් එහෙමයි. කාලෙකට පස්සේ මැච් එකක් ගහන්න ඕනි කියල හිතුනලු ඉතින් හැමෝටම එක පාරටම චූන්. ඉතින් අපිට කිරිකට් ගහනවා කියල Ground කොහෙන්ද වෙල් ඉප නැල්ලේ දුවල පැනල නටපු කොල්ලෝ ටිකක්නේ ඉතින් මැච් ගහන්න විතරක් මොකටද Ground කියල අපේ අයියල ටිකත් කැති පොරෝ උදලු ටිකත් අරගෙන බැස්සයි කියන්නේ වෙල්යායට මොකටද? Ground එකක් හදන්න. මොකද මේ දවස් වල කුඹුරැවල ගොයම් තියෙන එකක්ද? හිස් වෙල් යාය අපරාදේ නාස්ති වෙනවනේ කියල.

ඉතින් මේ Ground එකක් හදන්න යන වැඩේට කොච්චර වැඩිමල් කස්විය හිටියත් කෙරැම නායකයා කියල හිතන් ඉන්නේ උක්කුන් කියල පොරක් මගෙම වයසේ බුවෙක් තමයි. (මේකා වැඩක් කරොත් ඉතින් @ හැලියයි හත් පොලෙම ගාගෙන තම ඉවර කරන්නේ) අපිටත් මොකද මු ඉතින් බක පන්ඩිතයනේ.

ඔන්න ඉතින් 3 වෙනිද කියන දවසේ වරැවක් විතර නාස්ති කොරල ඔය කියන Ground එක කපල ඉවර කොරා කියමුකෝ අල්ලපු වත්තේ තියෙන තැඹිලි ගහට පින් සිද්ද වෙන්න. මොකද වැඩේ බාගෙට කරත් ඉතින් ආයි කරන් නරත්තම් වැඩේ ඉවරයි කියලනේ කියන්නේ. මේන් වැඩක් වැඩේ ඉවර උනා විතරයි ICC එකෙන් අර අපේ උක්කුන් බුවට කොල් කර කර මල වදේ අපි හදපු Ground ඉල්ලලා ඊලග ICC මැච් වලට, කොහෙන් ආරන්චි උනාද දන් නෑ. අපේ කුඹුරැ Ground එක ඒ තරම් සුපිරි තමයි.

ඊටත් පස්සේ ඒ කියන්නේ Ground හදල ඉවර උනාට පස්සේ පුරැදු වෙන්නත් එක්ක අපේ බුවාරිස්ල ටිකත් සෙට් වෙලා මැච් එකක් ගැහුවා කියමුකො. මෙහෙම්ම පහුවදාත් ඒ කියන්නේ අපේ නිදහස් දවසෙත් සෙට් වෙලා මැච් තමයි.

දැං ඉතින් බඩු හරි මෙන්න මෙහෙම පහුවදත් මුච් ගන්න සෙට් තමයි අනේ දෙයියනේ කාට මොනවා කිරන්නද කියල තේරෙන් නෑ මොකද එදා ඉදල දිගටම වැස්ස.

අපි ආයි ඉතින් දන්නවනේ Ground එකක් හැදුවොත් දන්නවනේ දිගටම වැස්ස තමයි. අපි Ground හදන්න පටන් ගත්තොත් ගමේ ඉන්න කැඹුරැ කාරයින්ට ෆුල් ආතල් උන් කරන්නනේ ගෙදර දුවගෙන ගිහින් පහුවදා ඉදල කුඹුරැ කොටන්න ලෑස්ති වෙන එක තමයි.

ඔන්න ඔහොම්ම අපේ මැච් කෙරැවාවත් දවසකට දෙකකට වැඩිය තියෙන්නේ නෑ තමයි.

මොකද මේක මේ අද ඊයෙක ඉදල වෙන දෙයක් නෙවෙයි දැන් අවුරැදු ගානද ඉදල වෙන දෙයක්. ඒකයි එහෙම “වැහි දෙයියල ටික“ කියාගන්න හේතුව.

අපි හැමොම එකයි බං

අපි මෙ බ්ලොග් හදන් තියෙන්නෙ ජොලියට අපිට කරන්න වැඩත් තියනවා ඒත් වැඩිපුර කැමති මේකට අපි මේකට ආපු කාලේ හරි ජොලි ඒත් මෙ මෑතක් වෙනකොට අලුතින් අය ඇවිල්ලා පොරවල් වෙන්න හදනවා හැප්පෙන්න කතාකරනවා.....අනේ මන්දා අසහනකාරයොද කොහේද? අපි කවදාවත් නිකා චා වෙන වැඩ කොරලා නැ ඒත් සමහරු නිකං චා වෙනවා දුකයි හොදේ අපි මෙ වලින් ලොකු කාලයක් ඉන්නෙ නෑ ටික කාලයකට පොඩි සන්තෝසයක් ලබන්න විතරයි....මෙ දැනුම් දිම ඔය අලුතින් ඇවිල්ලා ඉන්න අයට නිකං චා වෙන්න එපා ටිංකිරි ගාගෙන නිකා කෑගහන්න එපා....ඔය ආගම් ජාතිය අල්ලගෙන කෑගහන අයට කියන්නෙ මමත් සිංහල බෞද්ධ ඒත් එහෙම කියලා නිකා පොරවල් වෙන්න හැදුවෙ නැ....කවුරුත් සහයෝගයෙන් ඉන්න ඕන අපි කාගෙත් සෙල්ලම් මැරෙනකං විතරයි මලාට පස්සෙ මුකුත් නැ......මම හොදින් කියන්නෙ හොදින් ඉදපල්ලා කාට කාටත් පස්සෙ දුක් වෙන්න වෙයි කියපු කරපු දේවල් ගැන......ඒ මචන්ලා නිකා චා වෙන්න එපා හොදේ  මොනදේ කරත් කමක් නැ ඒත් පජාත වැඩ කරන්න එපා......ඇත්තම කිව්වොත් මටනම් කළකිරිලා ඉන්නෙ....දුකයි උඹලා ගැන......තව දෙයක් මට උඹලා කා එක්කවත් තරහක් නැ එදා එකට හිටපු දුමියම තමයි දැනුත් ඉන්නෙ..... අපි ගැන වැරදියට හිතන්න එපා.........

 

මේක දුමියට හිත රිදීමක් වෙලා එලියට දාපු දෙයක් ඒත් ඒක සහතික ඇත්තක්...................  ඒකයි මමත් මේක එහෙම්ම ලියන්න හිතුවේ. 

දුමියෝ අපිටත් තියෙන ඒකම ප්‍රශ්නේ ඒකම තමයි බං ඒත් අපි මොනා කරන්නද මුන්ගේ මොළවල විස බීජ කොහොම අයින් කරන්නද? අපි හැමොම එකම රටක ඉන්න එකම ශ්‍රි ලාංකීය ජාතියක් කියල කොහොම තේරැම් කරන්නද?

බලන්න විතරයි හොදේ

පොඩි එකක්

පිස්සන් කො‍ටුවේන් ඇහෙන කතා 2

කට්ටියටම ආයුබෝවේවා!.
මුල් කතාව කියපු නැති අය මෙතනින් ගිහින් එකත් කියවලා එන්න පිස්සන් කො‍ටුවේන් ඇහෙන කතා 1
ඔන්න කාලෙකින් පිස්සන් කො‍ටුවේ කතාවකුත් අරන් "සටහන" පැත්තේ ආවා.
ඔන්න පිස්සන් කො‍ටුවෙන් පැනලා යන්ට හිටපු මෑන් හෙන අප්සට් ගහලා හිටියානේ....
ඔහොම හිටියට මිනිහට එපා වෙලානේ හිටියේ.ඔය අතරෙ දවසක් පිස්සන් කො‍ටුවේ හෙන කලබලයක්.මොකෑ මේ කියලා බැලින්නම් පිස්සන් කො‍ටුවේ පොල් ගහක් උඩ එක පිස්සෙක් නැගලා.
කිරි අප්පට බල්ලෝ පැනපි මේ අර පැනලා යන්ට හිටපු මෑන්නේ. මිනිහා ගහ උඩ නැගලා හෙන වලියක් බහින්ට බැහැ කියලා.

 ඔය අතරේ පිස්සන් කො‍ටුවේ දොස්තර මහත්තයත් ඇවිත් පින් සෙන්ඩු වෙනවා අරූට බහින්ට කියලා.මේකා නෙවෙයි බහින්නේ.
පිස්සන් කො‍ටුවේ ආරක්ෂක මහත්වරුත් බැලුවා අරූව බිමට ගන්න.මූ නෙවේ බැස්සේ.
පස්සේ ගස් කපන මිනිහෙකුත් ගෙනත් ගහ කපන්ට හැදුවත් මූ බැස්සෙ නැනේ......
පස්සේ පොලිසියෙන්නුත් ගෙනවා.ඒත් වැඩේ හරි ගියේ නෑ.
පස්සෙ හමුදාවෙන් ගෙනත් මූට වෙඩි තියන්ට හැදුවත් මේකාද නෙවේ බැස්සේ.
ඔය අතරෙ වෙන පිස්සෙක් ඇවිත් දොස්තර මහත්තයගෙන් ඇහුවා
"ඇයි මහත්තයෝ මොකද අවුල " කියලා.
දොස්තර මහත්තයා කියනවා
"මූ මේ ගහේ නැගලා පිස්සු කෙලිනවානේ" කියලා.
ආපු පිස්සා කියනවා
"ඉන්නකෝ මම ඕකාව බස්සන්න"
මෙහෙම කියලා දෙවෙනි පිස්සා උගේ කාමරෙට ගිහින් ඇවිත් පොල් ගහ ලග ඉදගෙන මොකදෝ කරනවා.
බැලින්නම් මූ පොඩි බ්ලේඩ් තලයක් ඇරගෙන ගහ කපන්න පටන් අරගෙන.
මේන් යකො ගහ උඩ හිටපු එකා තප්පර ගාණට බිමට බැස්සා.
 ඉතින් දොස්තර මහත්තයා ගහෙන් බැස්ස පිස්සගෙන් අහනවා
"මොකො යකෝ මෙච්චර වෙඩි තියන්ට ලැස්ති වෙද්දිත් බැස්ස නැති උඹ මු මේ බ්ලේඩ් තලයෙන් ගහ කපන්න යනකොට බැස්සේ " කියලා.
ගහෙන් බැස්ස පිස්සා මෙහෙම කිව්වේ නෑතෑ....
"මහත්තයො, විශ්වාස කරන්ට බෑනේ.මූ පිස්සෙක්නේ......"

එහෙනම් ඕන්න මම ගියා.ඔක්කෝටම ජයවේවා!...................