මොකද්ද මේ ජීවිතේ......? (තවත් ගැටලුවක්)

හායි ඉතින් කෝහොමද අ‍පේ "සටහන" එක්කම ඉන්න  කොල්ලෝ කෙල්ලෝ ටික.....!
සෑහෙනම කාලෙකට පස්සේ නේද? හොදයි ඉතින් මොනවා කරන්නද නේ......
කාලෙකට හෙනම බිසී තවත් කාලෙකට වැලේ වැල් නැති වෙන්න ෆ්‍රී
මොනවා කරන්නද ඔන්න ඔහොමයි මිනිස් ජීවිත නේ.........

දැන් උඹල හිතයි මූ මේ කාලේකට පස්සේ ඇවිල්ලා බණ කියන්න හදනවා කියල
අනේ.................. නෑ
මොකද මම ‍නොදන්න දේවල් කරල දුක් විදින්න කැමති නෑනේ
උඹල ඒක දන්නවනේ

මේ උඹලට කවද හරි අපේ ජීවිත මොනවගේද කියල හිතිල තියෙනවද......?


මට නම් හිතෙන්නේ හරියට මුහුදේ යන නැවක් වගේ කියල


ගමන පටන් ගන්නේ අහවල් තැනින් නවතිනවා කියල හිතාගෙන


කාලෙකට ඔහේ යන්නම් වාලේ යනවා


හිටපු ගමන් අලී කුනාටු වලට අහු වෙනවා
එහෙම උනොත් පාවෙලා ගිහිල්ලා නොහිතන තැන් වලින් ගොඩ බහින්න වෙනවා.


එහෙමත් නැත්තම් රැවල් කැඩෙයි, එන්ජින් අවුල් වෙයි, සේවකයො දාල යයි.


මගීන් නගිනවා බහිනවා,



මොනදේ උනත් නැව නැවමයි කියල කප්පිත්තත් හිත හදාගන්නවා.


ඉතින් උඹලගේ නැව් වලට මොනවද දැන් වෙලා තියෙන්නේ,
මම නම් දන්නේ මගේ නැව තාමත් ඔහේ පාවෙනවා කියන එකයි. ඒක කොහේ යයිද කොහේ යන්න වෙයිද, කොහෙන් නවතින්න වෙයිද ?   කවුරැ ඒ ගැන දන්නවද කියල කවුරැත්ම දන් නැතිව ඇති. මොකද ඒක යන්නේ එක පැත්තකට හැරැනට යන්නේ පුත්තකට වගෙයි තේරෙන්නේ.

ජීවිතං ජීවිතං ජීවිතං ජීවිතං ජීවිතං ජීවිතං ජීවිතං ජීවිතං ජීවිතං ජීවිතං ජීවිතං 

සෙනෙහසින් කල දාසකම්....

මුළු හදින් ඔබට පෙම් කළ
සෙනෙහසේ දාසයා මම විය
රිදවන්න නුබ සිහනයෙන්වත්
නොසිතුවා මම සත්‍යක්මැයි

නුඹේ සැම දුක් මගේමැයි අද
සක්විතිව නුඹ කිරුළු ලන්නට
සෙනෙහසින් දාසකම් කල
සෙනෙහසේ දාසයා මම විය

නුඹේ නෙතු මත කදුලු බිදුවක්
මතුව එන්නට එපා කිසි දින
කදුළු මටදී හිනහෙන්න නුඹ
සෙනෙහසින් නුඹම සැනසු
සෙනෙහසේ දාසයා මම විය


සියුමැලිය ඔබ රොස පෙති මෙන්
මුදු මොලොක් විය පුළුන් රොද මෙන්
අහිංසකාවිය සිගිතියැක්මැයි
මුළු හදින් නුඹට පෙම් කල
සෙනෙහසේ දාසයා මම විය


එබී දෑසට සෑම දිනාකම
දකින්නට අවැසිය ලස්සනම ලොව
දකින්නට ඒ ,නුඹ උවැසි ලොව
සෙනෙහසින් දාසකම් කල
සෙනෙහසේ දාසයා මම විය


කනට කොදුරා නුඹ කිවූ දින
වයන් සත්සර මා කනට කර
නුඹ නමින් සත්සර වැයු
සෙනෙහසින් දාසකම් කල
සෙනෙහසේ දාසයා මම විය

ඉතින් නොමැතිද විදින්නට මා හට
සුවද විහිදෙන ඒ මියුරු ලොව
නොකියනා ලෙස නුඹට කිසි දින
සෙනෙහසින් දාසකම් කල
සෙනෙහසේ දාසයා මම විය


මිහිරි රස පිරි රස මසවුලු
නුඹට කවමින් නුඹව සැනසූ
නුඹට පෙම් කල
සෙනෙහසින් දාසකම් කල
සෙනෙහසේ දාසයා මම විය


සතපවා නුඹ සිනිදු සයනේ
සැනසුවා ඒ මිහිරි පහසින්
නුඹ කිවූ ලෙස නුඹ නමින්
සෙනෙහසින් දාසකම් කල
සෙනෙහසේ දාසයා මම විය


දුක් නොවන ලෙස නුඹේ ලෝකය
නුඹේ සිනහව දකින්නට මම
මෙතෙකයිද කල දාසකම්
සෙනෙහසින් දාසකම් කල
සෙනෙහසේ දාසයා මම විය


ඔබට පෙම් කල මා ලැබූ දෙය
සතර අගතිය පෙනේ හැම දෙස
අහෝ මා ප්‍රෙමයෙන් කල දාසකම්
මගේ සිතයැයි කියු නුඹ
මා තුලම ඉද මටම කල සතුරුකම්......

මොකද්ද මේ අවුරුද්ද ?

අපේ කට්ටියගේ අවුරුදු කෙලියට දවස් ලං වීගෙන එද්දි මට මෙන්න මෙහෙම සටහනක් තියන්න හිතුනා.ඒ ඔන්න ඔය ජයට සමරන්න යන අවුරුදු සැණකෙළිය ගැන.
මේක ලියන්නේ කාටවත් තරහාටවත් කාගෙවත් සතුට නැති කරන්නවත් නෙවේ.
මේක කියන්න හිතුවේ සිංහල අපේ කට්ටියට මේ සැණකෙළිය ගැන ඇත්ත දැනගන්න ඕන නිසාමයි.
ඉතින් වැඩි කතා නැතිව කියන්න ආපු කාරණය කියන්නම්කෝ.
ඇත්තටම මේ සිංහල දෙමල අලුත් අවුරුද්ද කියන එක කොහොමද මෙහෙට ඒ කියන්නේ අපේ රටට ආවේ ? කොහෙන්ද ආවේ ?
ඇත්තටම මේ ගැන කියෙන් කී දෙනාද දන්නේ.
මේ මහා සැණකෙළිය සිංහල අපිට කොහෙත්ම සම්බන්ධයක් නෑ. මොකද ඇත්තටම මේක හින්දු අයගේ උත්සවයක්.ඒ අය කරපු මේ නැකත් කෙලිය අපේ ලංකා භූමියට ආවේ දකුණු ඉන්දියවේන්.ඒ ආවේ හැමොම අහලා ඇතිනේ ලක් ඉතිහාසයේ මහා විනාශකාරී යුගයක් ගැන .ඒ තමා පොළොන්නරු රාජධානී යුගයේ කාලිංග මාඝ කියලා කෙනෙක් ගැන.අන්න එයා තමා ලංකාවට මේ නැකත් කෙලිය අරන් ආවේ.එයා ඇවිත් සදකඬපහනින් ගව රූපය අයින් කලා.වෙහෙර විහාර විනාශ කළා.ඉන් පස්සේ ලංකාවේ හැමෝටම මේ නැකත් කෙලිය හුරුකලා.ඉතින් ඒ තෑග්ග තමා තාමත් අපි හිසේ තියගෙන දගලන්නේ.පෙනවානේ මේ දවස් වල කට්ටිය නගර වල සාප්පු ගානේ පොර කන අපූරුව.
මමනම් පෞද්ගලිකව මේ කාලේ එනකොට හරි බයයි.මොකෝ මිනිස්සු මත්පැන් වලින් නාගෙන ගහා මරා ගන්න පටන් ගන්නවනේ.අනික කොහෙවත් යන්න බෑ සෙනග පිරිලා.හැබැයි මම කැමති දෙයක් තියෙනවා.ඒ තමා හැමොටම සතියක හරි නිවාඩුවක් හම්බවෙනවනේ.



ඉතින් අවුරුද්ද ආපු හැටිත්,අපිට වැදගත් නැති එකත් ගැන කිවා වගේම කියන්න එපැයි අපිට වැදගත් අවුරුද්ද නැත්තම් සමරන්ට වටින දේ ගැනත්.



ඒකත් හේතු ඇතිවම කියන්නම්.සිංහල බෞද්ධ අපිට එන අවුරුද්ද තමා වෙසක් පෝය දවස.ඒක බෞද්ධ අපිටනම් සිදුහත් කුමරුන් උපත ලැබීම, ගෞතම බුදු සමිදුන් බුදු බව ලබාගැනීම සහ ගෞතම බුදු සමිදු පිරිනිවන් පෑම කියන උතුම් තෙමගුල නිසා වැදගත්.






එතකොට සිංහලයන්ට කොහොමද ඒ දවස වැදගත් වෙන්නේ.
අපි දන්නවානේ ලක්දිවට ආපු විජය රජු ගැන.ඒ විජය රජතුමාගේ ලංකාගමනය සිද්ධ වුනේ වෙසක් පෝය දවසෙමයි.ඒ කියන්නෙ අපේ සිංහල ජාතියේ ආරම්භය වෙන්නෙ වෙසක් පෝය දවසෙයි.ඉතින් මේ විදිහට බලපුවාම අපේ උත්සව දවස වන්නේ වෙසක් පොහොය දිනයි.ඒ දවස අපිට මත්පැනින් තොරව සිල්වත්ව සතුටින් සමරන්න පුලුවන් නේද?
ඔන්න ඔය කාරණය සටහන් කරන්න තමා මම ආවේ.මම හිතනවා  මේ ගැන කාගෙවත් හිත් අමනාපයක් ඇති නොවෙවා කියලා.හැබැයි කෙනෙක් හරි ඇත්ත දැනගත්තනම් ඒක හොදටම ඇති.නමුත් අවුරුදු දවසෙත් අපි සතු‍ටු වෙමු.ගිනිකෙලි,මත්පැන් ලංකර ගන්නේ නැතිව.එහෙනම් හැමොටම සුබ පතලා මම යනවා.මේක කියවලා යන ගමන් Comment එකකුත් දාලා යන්න.